x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

Capturing Pablo – Umræður

Með Javier Pena & Steve Murphy úr Narcos

Stígðu inn í heim „DEA“ fulltrúanna Javier Pena og Steve Murphy, mannanna sem handsömuðu einn afkastamesta og hættulegasta eiturlyfjabarón heims: Konung kókaínsins, sjálfan Pablo Escobar. Saga þeirra var innblásturinn að þáttunum NARCOS sem slógu rækilega í gegn á Netflix. Leikarinn Jóhannes Haukur Jóhannesson stjórnar umræðunum.

Í þáttunum segir frá risi og falli Medellín fíkniefnahringsins þar sem Pablo Escobar var höfuðpaurinn og barðist fyrir því að viðhalda völdum sínum sem kóngur kókaínheimsins.

Pena og Murphy munu ræða málið fyrir áhorfendum ásamt Jóhannesi Hauki og segja frá því hvernig þeim tókst að fella Pablo Escobar. Í umræðum kvöldsins munu þeir upplýsa okkur um ýmis atriði sem ekki komu fram í þáttunum og taka við spurningum úr sal.

Um Pena og Murphy
Javier Pena ólst upp í Texasfylki í Bandaríkjunum. Árið 1984 gekk hann til liðs við bandarísku fíkniefnalögregluna þar sem hann tók að sér verkefni í Bogota, höfuðborg Kólumbíu. Það var þá sem hann og félagi hans, Steve Murphy, ákváðu að þeir skyldu leggja Pablo Escobar og Medellín fíkniefnahringinn að velli. Í dag er hann talinn vera einn helsti sérfræðingur heims í Medellín málinu.

Steve Murphy hóf feril sinn árið 1975 sem lögreglumaður í Vestur-Virginíu, Bandaríkjunum. Sjö árum síðar gekk hann til liðs við fíkniefnalögregluna í Flórída þar sem kókaínbransinn fór ört vaxandi. Árið 1991 var hann sendur til Bogota þar sem hann hóf að vinna með Pena. Báðir hafa þeir verið heiðraðir fyrir framlag sitt í baráttunni og voru þeir lofaðir og verðlaunaðir af bæði fíkniefnalögreglunni og Kólumbíska ríkinu.

Umsjón: Sena Live