x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Camerarctica – Mozart aríur og Brahms

Sígildir sunnudagar

Þessi viðburður er liðinn

Camerarctica leikur glæsiverk eftir Mozart og Brahms á Sígildum sunnudögum í Hörpu, sunnudaginn 6. október kl. 16.00. Á tónleikunum kallast tónlist tónskáldanna tveggja á, hljóðfæratónlist og aríur úr smiðju Wolfgangs Amadeusar Mozarts á fyrri hluta efniskrárinnar en eftir hlé verður fluttur hinn dáði Klarinettukvintett eftir Johannes Brahms.

Camerarctica samanstendur af hljóðfæraleikurunum Ármanni Helgasyni klarinettuleikara, Hildigunni Halldórsdóttur fiðluleikara, Bryndísi Pálsdóttur fiðluleikara, Svövu Bernharðsdóttur og Sigurði Halldórssyni sellóleikara. Gestahljóðfæraleikarar eru Helga Björg Arnardóttir klarinettuleikari og Kristín Mjöll Jakobsdóttir fagottleikari. Sérstakur heiðursgestur Camerarctica á þessum tónleikum er Ingibjörg Guðjónsdóttir, söngkona.

Fluttar verða tvær glæsilegar konsertaríur, Chi sà, chi sà, qual sia KV 582 og Vado, ma dove KV 583 og óperuarían Parto, parto úr síðustu óperu Mozarts, La Clemenza di Tito, en þar sýnir Mozart snilligáfu sína og tvinnar leik klarinettunnar saman við söng söngkonunnar á einstakan hátt. Eins verða fluttir tveir stuttir heiðríkir þættir fyrir klarinettur og strengi á milli aría.

Bæði Mozart og Brahms hrifust sérstaklega af tóni og tónsviði klarinettunnar og voru hin mikilsmetnu klarinettuverk skrifuð á síðasta æviskeiði tónskáldanna. Kvintett Brahms er bæði litaður af ljóðrænu og dramatík og tekur á sig yfirbragð sígaunatónlistar í hæga þættinum en kvintettinn þykir vera eitt af meistaraverkum kammerbókmenntanna.

Tónleikarnir taka u.þ.b eina og hálfa klukkustund með hléi.

Tónlistarhópurinn Camerarctica hefur starfað frá árinu 1992, um það leyti sem hljóðfæraleikararnir komu heim frá námi við tónlistarháskóla erlendis. Félagar hópsins hafa meðal annars leikið með Sinfóníuhljómsveit Íslands, kennt hljóðfæraleik við tónlistarskólana á höfuðborgarsvæðinu og komið víða fram sem einleikarar. Camerarctica hefur vakið sérstaka athygli og hlotið lofsamlega dóma fyrir flutning sinn á verkum Mozart á árlegum kertaljósatónleikum í kirkjum á höfuðborgarsvæðinu og á strengjakvartettum Shostakovitch og Bartók á tónleikum Kammermúsíkklúbbsins í Reykjavík. Hópurinn hefur leikið á mörgum tónlistarhátíðum, m.a. á Myrkum músíkdögum, Listahátíð í Reykjavík, Norrænum músíkdögum, Kammermúsíkklúbbnum, 15:15 tónleikasyrpunni og á Norrænum sumartónleikum í Norræna húsinu, Salisbury hátíðinni í Bretlandi og gefið út geisladisk með verkum eftir W. A. Mozart.

Tónleikarnir fara fram innan tónleikaraðarinnar Sígildir sunnudagar í Hörpu 2019 – 2020.

Dagskrá Sígildra sunnudaga veturinn 2019 – 2020

 

September 2019

08. 09. 2019 Ást og hatur 

15. 09. 2019 Alda tríó – Markverðar konur

29. 09. 2019 Kammermúsíkklúbburinn – Trio Nordica, Helga Þóra og Þórunn Ósk

Október 2019

06. 10. 2019 Camerarctica – Mozart aríur og Brahms

20. 10. 2019 Kammermúsíkklúbburinn – Einar, Þórunn Ósk og Anna Guðný

27. 10. 2019 Kammersveit Reykjavíkur – Þrír Frakkar og Schumann

Nóvember 2019

03. 11. 2019 Íslenskar dægurperlur með Ragnheiði Gröndal

10. 11. 2019 Velkomin heim – Sólveig Thoroddsen hörpuleikari

17. 11. 2019 Kammermúsíkklúbburinn – Camerarctica

24. 11. 2019 Sellósónötur – Geirþrúður Anna og Jane Ade

Desember 2019

08. 12. 2019 Jólatónleikar Kammersveitar Reykjavíkur

Janúar 2020

12. 01. 2020 Steinunn Vala og Hanna

19. 01. 2020 Kammermúsíkklúbburinn – Páll Palomares, Ólöf Sigursveinsdóttir, Bjarni Frímann

26. 01. 2020 Vinsælir sígildir ljóðasöngvar – Kristín R. Sigurðardóttir og Arnhildur Valgarðsdóttir

Febrúar 2020

02. 02. 2020 Barrokkbandið Brák

09. 02. 2020 Stirni Ensemble

16. 02. 2020 Tvíleikur – Hulda Jónsdóttir og Ragnar Jónsson

16. 02. 2020 Velkomin heim – Anna Sóley Ásmundsdóttir og ensemble

23. 02. 2020 Svítur og valsar úr austri og vestri

Mars 2020

01.03.2020 Cauda Collective: Ástarjátning

08. 03. 2020 Kammermúsíkklúbburinn – Strokkvartettinn Siggi

15. 03. 2020 Kammermúsíkklúbburinn – Weinberg & Shostakovich

22. 03. 2020 Velkomin heim – Björk Níelsdóttir og Matthildur Anna Gísladóttir

29. 03. 2020 Kammersveit Reykjavíkur – Beethoven í 250 ár

Apríl 2020

19. 04. 2020 Bach og börnin – 130 börn slá hjartans hörpustrengi

Maí 2020

03. 05. 2020 Velkomin heim – Þóra Kristín og Desirée Mori

10. 05. 2020 Strengjakvartettar – Ravel, Britten og Beethoven

24. 05. 2020 Barrokkbandið Brák – Franskar aríur og hirðtónlist