x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Brahms og Bjarni Frímann – Sinfóníuhljómsveit Íslands

Tónleikarnir hétu áður Brahms og Tortelier

Þessi viðburður er liðinn

Tveir frábærir íslenskir strengjaleikarar leiða saman hesta sína á þessum tónleikum. Ari Þór Vilhjálmsson hefur hlotið mikið lof fyrir leik sinn og er nú leiðari 2. fiðlu Fílharmóníusveitarinnar í Helsinki, en Sigurgeir Agnarsson er leiðandi sellóleikari Sinfóníuhljómsveitar Íslands. Saman leika þeir tilfinningaþrunginn tvíkonsert Brahms fyrir fiðlu og selló, síðasta hljómsveitarverk meistarans. Akademíski hátíðarforleikurinn er glaðvært skemmtistykki sem Brahms samdi í þakkarskyni eftir að honum hafði verið veitt heiðursdoktorsnafnbót við þýskan háskóla. Verkinu lýkur með stúdentasöngnum Gaudeamus igitur og á það vel við á vordögum þegar útskriftir eru á næsta leiti.

Louise Farrenc var framúrskarandi píanóleikari á 19. öld og starfaði í meira en þrjá áratugi sem prófessor í píanóleik við Tónlistarháskólann í París. Hún samdi fjölmörg píanó- og kammerverk, en einnig þrjár rómantískar sinfóníur sem þykja sérlega vel heppnaðar. Á síðustu árum hafa tónsmíðar Farrenc verið grafnar úr gleymsku og þykir ljóst að hún verðskuldar stóran sess í tónlistarsögunni. Tónleikarnir hefjast á spænskuskotinni fantasíu Chabriers þar sem hann fléttar saman sprellfjöruga spænska dansa með eftirminnilegum tilþrifum.

Breyting: Bjarni Frímann Bjarnason, aðstoðarhljómsveitarstjóri Sinfóníuhljómsveitar Íslands, hleypur í skarðið fyrir Yan Pascal Tortelier, aðalstjórnanda sveitarinnar, en hann þurfti því miður að aflýsa komu sinni vegna veikinda. Efnisskráin er óbreytt.

 

Tónleikakynning í Hörpuhorni» 16. maí kl. 18:00

  • Efnisskrá

    EFNISSKRÁ
    Emmanuel Chabrier: España
    Johannes Brahms: Konsert fyrir fiðlu og selló
    Louise Farrenc: Sinfónía nr. 3
    Johannes Brahms: Akademískur hátíðarforleikur

    HLJÓMSVEITARSTJÓRI
    Bjarni Frímann Bjarnason

    EINLEIKARAR
    Ari Þór Vilhjálmsson
    Sigurgeir Agnarsson