x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Bold Strategy Summit

Stafræn innleiðing stefnu – ný nálgun – nýjar lausnir

”Bold Strategy Summit” – leiðtogafundur í Hörpu 23. september:
Stafræn innleiðing stefnu – ný nálgun – nýjar lausnir

Dagsetning: 23. september
Salur: Norðurljós Harpa
Kl: 8:00
Aðgangur að ráðstefnu 84.500 kr.

Þann 23. september verður haldin alþjóðleg ráðstefna í Hörpu. Þá gefst stjórnendum og leiðtogum fyrirtækja og stofnana, ásamt stjórnendaráðgjöfum, einstakt tækifæri til að kynna sér helstu strauma við innleiðingu á stefnu.
Þetta er í fyrsta sinn sem svo umfangsmikil ráðstefna um innleiðingu stefnu er haldin á Íslandi.
Á ráðstefnunni munu koma saman margir helstu frumkvöðlar heims í stafrænni innleiðingu stefnu og ræða hvernig brúa megi bilið á milli stefnumótunar og innleiðingar með tæknibyltinguna að leiðarljósi. Ráðstefnan er á vegum ráðgjafar- og hugbúnaðarfyrirtækisins Decideact sem sérhæfir sig í stafrænni innleiðingu á stefnu.
Hér má nálgast dagskrá ráðstefnunnar og upplýsingar um fyrirlesara.

Kannanir sýna að fyrirtæki sem ekki nota stafrænar lausnir í rekstrinum verða hætt rekstri jafnvel innan 5 ára. Þannig er talið að helmingur fyrirtækja sem nú eru starfandi um allan heim muni ekki lifa af fjórðu byltinguna þar sem þau byggja reksturinn á úreltum viðskiptamódelum. Þetta segir Roger Camrass, einn ræðumanna á alþjóðlegu ráðstefnunni e. Bold strategy summit ’19 sem haldin verður í Hörpu í lok september.

,,Þeir sem verða ofan á eru þeir sem aðlagast tæknibreytingum hratt og örugglega. Samkvæmt könnunum eyða um 85% leiðtoga og stjórnenda minna en klukkutíma á mánuði í að ræða stefnu og 95% starfsmanna skilja ekki stefnu fyrirtækjanna sem þau vinna hjá. Þá er eðlilegt að spyrja: Hvers vegna eru menn þá að eyða öllum þessum tíma og peningum í að setja stefnuna ef þeim tekst ekki að innleiða hana og koma starfsmönnum í skilning um hvert er stefnt? „segir Bjarni Snæbjörn Jónsson, ráðgjafi og einn stofnenda Decideact Management a/s.

Fyrir þá sem vilja fá meira út úr ráðstefnunni gefst kostur á að skrá sig á svokallað ,,meistaranámskeið” um innleiðingu á stefnu 24. september en á þeim munu sérfræðingar í stefnumótun miðla reynslu sinni.

Á ráðstefnunni og á meðfylgjandi ,,meistaranámskeiði” verða kynntir nýjustu straumar og stefnur í innleiðingu stefnu miðað við þann veruleika sem við blasir samfara byltingu upplýsinga- og samskiptatækni sem margir segja að gangi svo langt að valda stærsta rofi í þróun mannlífs hingað til.

Vinsamlega athugið!

Allir fyrirlesararnir á ráðstefnunni hafa staðfest þátttöku sína. Jafnframt hafa þeir samþykkt að myndir af þeim séu birtar á vefsíðu ráðstefnunnar. Endanleg dagskrá getur breyst vegna orsaka sem DecideAct Solution IVS hefur ekki stjórn á.

Þú ert að fara að taka þátt í viðburði þar sem líkur eru á ljósmyndatökum, video- og hljóðupptökum. Með því að taka þátt þá ertu að samþykkja hvers kyns viðtöl, ljósmyndir, hljóð- og myndupptökur og birtingu þeirra eða sýningu. Viðtölin eða myndirnar geta mögulega verið notuð í auglýsingaskyni eða við fréttaflutning, á vefsvæði eða í útsendingu eða til annarra nota sem DecideAct Solutions IVS, birgjar, samstarfsaðilar, tengdir aðilar og/eða fulltrúar þeirra telja henta.

Þú afléttir DecideAct Solutions IVS, starfsfólki þess og öllum þeim starfsmönnum sem koma að ráðstefnunni undan allri ábyrgð sem fjölmiðlun og dreifingu viðtala og ljósmynda, tölvu mynda, video og hljóðupptaka kann að valda.

Um leið og þú gengur inn í húsnæði viðburðarins afsalar þú þér öllum réttindum og kröfum um greiðslu eða þóknun í tengslum við sýningu í gegnum streymi, sjónvarpsstöðvar eða annarrar útgáfu á efni ráðstefnunnar. Birtingin er óháð tilgangi eða styrktaraðila slíkra sýninga, útsendinga, vefvarps eða annarrar birtingar óháð því hvort gjald fyrir aðgang eða kostun er innheimt. Þú afsalar þér einnig rétti til að skoða eða samþykkja myndir, myndskeið eða hljóðritun sem DecideAct Solutions IVS taka á ráðstefnunni eða sá aðili eða aðilar sem DecideAct Solutions IVS tilnefna til þess.

Fyrirtækið DecideAct Solutions IVS ber ekki ábyrgð á skaða, veikindum eða slysum eða öðrum þeim kostnaði sem upp kann að koma sem afleiðing af viðburðinum. Fyrirtækið ber heldur ekki ábyrgð á öðru tapi sem þátttakendur eða þeir sem fylgja þeim og taka þátt í ráðstefnunni í Reykjavík eða öðrum félagslegum viðburðum sem skipulagðir verða.

Umsjón: Decideact Management a/s.