x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Bjarni Frímann stjórnar Brahms – Sinfóníuhljómsveit Íslands

Þessi viðburður er liðinn

Á þessum tónleikunum Sinfóníuhljómsveitar Íslands stjórnar Bjarni Frímann Bjarnason, staðarhljómsveitarstjóri hljómsveitarinnar, verkum eftir Bottesini og Brahms.

Þegar sinfónía nr. 3 eftir Johannes Brahms var frumflutt í Vínarborg árið 1882 voru viðtökurnar einhverjar þær bestu sem tónskáldið hafði nokkru sinni upplifað. Enda er tónlistin kröftug og áhrifamikil, byggð á stuttu stefi, F-A-F, sem Brahms sagði að táknaði orðin frei aber froh – frjáls en glaður.

Ítalski kontrabassasnillingurinn og tónskáldið Giovanni Bottesini var á sinni tíð kallaður „Paganini kontrabassans“ enda voru hæfileikar hans undraverðir. Bottesini átti ævintýralega ævi, starfaði um skeið við óperuhúsið í Havana á Kúbu og var náinn vinur Verdis. Hann samdi tvo glæsilega konserta fyrir sjálfan sig að leika, og á þessum tónleikum mun Jacek Karwan, kontrabassaleikari í Sinfóníuhljómsveit Íslands, flytja hinn síðari þeirra, sem var saminn árið 1845.

Tónleikunum er útvarpað beint á Rás 1.

Takmarkað sætaframboð á tónleikana
Í samræmi við sóttvarnarlög er sætaframboð á tónleikana takmarkað við 100 tónleikagesti í fjórum sóttvarnarhólfum. Í það minnsta tvö auð sæti eru á milli allra pantana til að tryggja nálægðarmörk milli gesta. Gestum ber einnig skylda að vera með grímu á tónleikunum. Tónleikarnir eru um klukkustundarlangir án hlés. Við biðjum tónleikagesti að gæta vel að sóttvarnarreglum og kynna sér leiðbeiningar til tónleikagesta áður en mætt er á tónleikana. Stöndum saman, við erum öll almannavarnir.

  • Efnisskrá

    Giovanni Bottesini: Konsert fyrir kontrabassa nr. 2
    Johannes Brahms: Sinfónía nr. 3

    HLJÓMSVEITARSTJÓRI
    Bjarni Frímann Bjarnason

    EINLEIKARI
    Jacek Karwan

    KYNNIR
    Árni Heimir Ingólfsson

Deila