x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Bernstein og Villa-Lobos – Sinfóníuhljómsveit Íslands

Brasilíski hljómsveitarstjórinn Ligia Amadio kemur til Íslands með tónlist frá heimalandi sínu í farteskinu. Heitor Villa-Lobos var höfuðtónskáld Brasilíu og sló þjóðlegan tón í verkum sínum, blandaði seiðandi hryn brasilískrar tónlistar saman við áhrif frá Stravinskíj. Meðal helstu verka hans er flokkurinn Bachianas Brasileiras þar sem brasilískir tónar renna saman við form og stíl barokksins á heillandi hátt. Sjöunda verkið í flokknum er frá árinu 1942 og hljómar hér í fyrsta sinn á Íslandi. Amerísk tónlist er einnig áberandi á seinni hluta efnisskrárinnar, þegar flutt verður glæsileg og fjörmikil svíta úr hinu sívinsæla verki Leonards Bernstein, West Side Story, í tilefni af aldarafmæli tónskáldsins.

Jón Ásgeirsson, eitt ástsælasta tónskáld Íslands, fagnar níræðisafmæli sínu haustið 2018. Útsetningar hans á Vísum Vatnsenda-Rósu og Sofðu unga ástin mín þekkir hvert mannsbarn, en hann hefur líka samið stór og metnaðarfull tónverk, til dæmis konserta og óperur. Flautukonsert hans frá árinu 2000 er hrífandi tónsmíð í þjóðlegum stíl og frumflutningur verksins á þessum tónleikum er mikið tilhlökkunarefni. Emilía Rós Sigfúsdóttir hefur á undanförnum árum skipað sér í röð fremstu hljóðfæraleikara sinnar kynslóðar á Íslandi. Leikur hennar hefur hlotið afar góða dóma og hlaut meðal annars flutningur hennar árið 2016 á Ibert flautukonsertinum með Sinfóníuhljómsveit Íslands fimm stjörnu dóm í Fréttablaðinu.

Upphaflega stóð til að Freyr Sigurjónsson yrði einleikari í flautukonserti Jóns Ásgeirssonar en hann þurfti að aflýsa komu sinni. Í hans stað leikur Emilía Rós Sigfúsdóttir konsertinn.

HLJÓMSVEITARSTJÓRI
Ligia Amadio

EINLEIKARI
Emilía Rós Sigfúsdóttir

Tónleikakynning í Hörpuhorni » 24. jan. kl. 18:00

  • Efnisskrá

    Heitor Villa-Lobos Bachianas Brasileiras nr. 7
    Jón Ásgeirsson Flautukonsert
    Leonard Bernstein Sinfónískir dansar úr West Side Story