x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Bartók og Ravel

Sinfóníuhljómsveit Íslands

EFNISSKRÁ
Andrea Tarrodi Liguria
Béla Bartók Píanókonsert nr. 2
Béla Bartók Konsert fyrir tvö píanó, slagverk og hljómsveit
Maurice Ravel La valse

HLJÓMSVEITARSTJÓRI
Elim Chan

EINLEIKARAR
Pierre-Laurent Aimard
Tamara Stefanovich

Tónleikakynning í Hörpuhorni kl. 18:00.

Franski píanóleikarinn Pierre-Laurent Aimard er einn áhugaverðasti tónlistarmaður samtímans. „Stórkostlegur píanóleikari og einstakur hugsjónamaður“, ritaði músíkrýnir The Wall Street Journal. Aimard hefur hlotið nær öll verðlaun sem hugsast getur, meðal annars bæði Grammy- og
Gramophone-verðlaun auk þess sem hin virtu Ernst von Siemens-verðlaun féllu honum í skaut árið 2017. Hann hefur hljóðritað fjölda hljómdiska fyrir Deutsche Grammophon og kemur fram með hljómsveitum í fremstu röð. Aimard leikur píanókonsert nr. 2 eftir Bartók, sem almennt er talinn einn erfiðasti konsert sem saminn hefur verið. „Hljómborðið er yfirleitt þakið blóði þegar yfir lýkur“, lét píanistinn András Schiff hafa eftir sér um glímu sína við verkið. Það er því ekki að undra að konsertinn hafi aðeins einu sinni áður hljómað á Íslandi, fyrir tæpum 30 árum. Auk þess leikur Aimard ásamt Tamöru Stefanovich konsert fyrir tvö píanó eftir Bartók, en verkið er útsetning tónskáldsins á hinni frægu sónötu fyrir tvö píanó og slagverk. Hljóðritun þeirra Aimards og Stefanovich á verkinu undir stjórn Pierre Boulez hlaut mikið lof og var meðal annars tilnefnd til Grammy-verðlauna.

Á tónleikunum hljómar einnig nýlegt verk eftir sænska tónskáldið Andreu Tarrodi, sem tilnefnd er til Tónlistarverðlauna Norðurlandaráðs 2020. Í Liguria rifjar hún upp gönguferð sína um hina litríku smábæi í Cinque Terre á Lígúríuströnd Ítalíu. Verkið hefur hlotið frábærar viðtökur víða um heim, meðal annars á Proms-tónlistarhátíðinni í Royal Albert Hall þar sem einn gagnrýnandi líkti því við glitrandi tónaheim Respighis.

Nánar um tónleikana á vef hljómsveitarinnar.

Deila