x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Bach og Mozart: Aðventutónleikar Sinfóníunnar

Þessi viðburður er liðinn

Sally Matthews er ein eftirsóttasta sópransöngkona heims en hún er einnig „tengdadóttir Íslands“ því að eiginmaður hennar er Finnur Bjarnason söngvari. Hún hefur meðal annars sungið á tónlistarhátíðinni í Salzburg, við Covent Garden og Vínaróperuna, með Berlínarfílharmóníunni undir stjórn Simons Rattle, og í haust stígur hún í fyrsta sinn á svið Metropolitan-óperunnar í New York. Sally hefur silkimjúka sópranrödd sem hentar tónlist Mozarts fullkomlega enda hefur hún hlotið mikið lof gagnrýnenda einmitt fyrir flutning sinn á Mozart. Á Aðventutónleikum Sinfóníunnar syngur hún tvær frægar aríur Mozarts, m.a. aríu greifynjunnar úr Brúðkaupi Fígarós, en einnig hið sívinsæla Exsultate, jubilate sem er eins konar konsert fyrir sópranrödd.

Jonathan Cohen er einn fremsti barokkstjórnandi Bretlands af yngri kynslóðinni. Hann stýrir sinni eigin hljómsveit, Arcangelo, sem hefur m.a. hljóðritað Messu í h-moll eftir Bach og hlotið frábæra dóma. Á Aðventutónleikum Sinfóníuhljómsveitar Íslands stjórnar hann Parísarsinfóníunni svonefndu eftir Mozart auk hljómsveitarsvítu Bachs nr. 3, þeirri sem hefur að geyma hina ægifögru „Aríu á G-streng“.

  • Efnisskrá

    Johann Sebastian Bach Hljómsveitarsvíta nr. 3 í D-dúr
    Wolfgang Amadeus Mozart Exsultate, jubilate
    Wolfgang Amadeus Mozart Così fan tutte, forleikur
    Wolfgang Amadeus Mozart Porgi amor, úr Brúðkaupi Fígarós
    Wolfgang Amadeus Mozart Martern aller Arten, úr Brottnáminu úr kvennabúrinu
    Wolfgang Amadeus Mozart Sinfónía nr. 31

    HLJÓMSVEITARSTJÓRI
    Jonathan Cohen

    EINSÖNGVARI
    Sally Matthews

    Tónleikakynning í Hörpuhorni » 18:00