x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Bach, Händel og Haydn – Sinfóníuhljómsveit Íslands

Glæsileg tónlist frá 18. öld er í forgrunni á þessum tónleikum Sinfóníuhljómsveitar Íslands þar sem hljómar tónlist eftir meistarana Bach, Händel og Haydn, en auk þess verður fluttur einn fegursti kafli barokktónlistar, Passacaglia eftir franska tónskáldið Georg Muffat. Sinfónía Haydns nr. 102 er ein þeirra sem hann samdi fyrir tónleikahald í Lundúnum á sínum efri árum og er hún almennt talin í hópi bestu verka hans í þessari grein.

Konur fengu sjaldan tækifæri til stórra afreka sem tónskáld á 18. öld en hér hljóma sjaldheyrðir þættir úr óperum eftir tvær aðalskonur. María Antonía, prinsessa af Bæjaralandi, var bæði semballeikari og tónskáld og samdi tvær óperur. Hertogaynjan Anna Amalia ríkti í Weimar og gerði bæinn að iðandi miðstöð lista og menningar. Eina ópera hennar, Erwin und Elmire, er einmitt við texta eftir sjálfan Goethe sem var persónulegur vinur hennar.

Breski hljómsveitarstjórinn Matthew Halls er sérfræðingur í flutningi gamallar tónlistar. Hann hefur meðal annars stýrt glæsilegum flutningi á verkum eftir Bach, Händel og Mozart með Sinfóníuhljómsveit Íslands á undanförnum árum. Hann stjórnar einnig fremstu hljómsveitum heims og fékk fyrir skemmstu frábæra dóma fyrir flutning sinn á Messíasi ásamt Sinfóníuhljómsveitinni í Chicago.

Matthew Truscott, sem kemur fram sem einleikari og konsertmeistari á tónleikunum, er óvenju fjölhæfur fiðluleikari. Hann er konsertmeistari bæði í Mahler-kammersveitinni, þar sem leikið er á nútímahljóðfæri, og í Hljómsveit upplýsingaraldarinnar sem notar hljóðfæri og leikmáta barokksins, auk þess sem hann er prófessor í fiðluleik við Royal Academy of Music í Lundúnum.

EFNISSKRÁ
Johann Sebastian Bach Hljómsveitarsvíta nr. 1
Georg Muffat Passacaglia úr sónötu nr. 5
Georg Friederich Händel Concerto grosso op. 3 nr. 2
Maria Antonia Walpurgis Talestri, forleikur
Anna Amalia af Braunschweig-Wolfenbüttel Erwin und Elmire, millispil
Joseph Haydn Sinfónía nr. 102

HLJÓMSVEITARSTJÓRI
Matthew Halls

EINLEIKARI
Matthew Truscott

Tónleikakynning í Hörpuhorni » 24. okt. kl. 18:00