x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Auður og Anna Guðný- Stórbrotnar sónötur

Sígildir sunnudagar

Auður Hafsteinsdóttir fiðluleikari og Anna Guðný Guðmundsdóttir píanóleikari munu flytja þrjár stórbrotnar sónötur á 20. öld.  Þetta eru kraftmikil og litrík verk sem þær hafa lengi haft hug á að leika saman. Auður og Anna Guðný eru meðal fremstu listamanna þjóðarinnar og eiga margra ára samvinnu að baki. Þær eru einnig að leggja lokahönd á upptökur fyrir geisladisk með íslenskri fiðlutónlist frá árunum 1940-2010 og verður eitt af þeim verkum á tónleikunum.

Efnisskráin samanstendur af hinni litríku L. Janacek sónötu. Sónötu op. 14 eftir Karl Ó. Runólfsson sem er bæði stórbrotin og ljóðræn, afar krefjandi tæknilega og hádramatísk. Að lokum verður flutt sónata S. Prokofievs no. 1. Hún var samin á nokkuð löngum tíma í kringum seinni heimstyrjöldina, á árunum 1938-1946 og ber hún sterkan keim af þeim hörmungum og átökum sem áttu sér stað þá. Sónatan er eitt af hans þekktustu verkum með mikilli dramatík og átökum músíklega, ennfremur tæknilega flókin.