x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

AIŌN – Sinfóníuhljómsveit Íslands og Íslenski dansflokkurinn – Frestað

AIŌN er innblásið af abstrakt hugsun um tímann og ferðalag milli vídda. Í þessu nýja verki bjóða Erna Ómarsdóttir danshöfundur og Anna Þorvaldsdóttir tónskáld áhorfendum upp á töfrandi heim þar sem tónlist og dans mætast á óvanalegan hátt og dansarar Íslenska dansflokksins og hljóðfæraleikarar Sinfóníuhljómsveitarinnar renna saman í eitt.

Anna og Erna eru báðar búnar að stimpla sig inn á heimsvísu sem miklir áhrifavaldar hvor í sinni listgrein. Anna Þorvaldsdóttir er staðartónskáld Sinfóníuhljómsveitar Íslands og hafa verk hennar verið flutt af fremstu hljómsveitum heims, m.a. Fílharmóníusveitunum í Berlín, New York og Los Angeles.

Erna Ómarsdóttir er listdansstjóri Íslenska dansflokksins og hefur hún hlotið fjölda verðlauna fyrir verk sín sem sýnd hafa verið á helstu listahátíðum og leikhúsum í Evrópu og víðar.

AIŌN er samstarfsverkefni Íslenska dansflokksins, Sinfóníuhljómsveitar Íslands og Sinfóníuhljómsveitar Gautaborgar, en verkið var frumflutt af Sinfóníuhljómsveit Gautaborgar og Íslenska dansflokknum þann 24. maí 2019 í Tónlistarhúsinu í Gautaborg. Finnski hljómsveitarstjórinn Anna-Maria Helsing stjórnar en hún stýrði einnig frumflutningnum í Gautaborg.

Ekki missa af einstökum viðburði fyrir alla þá sem hafa áhuga á spennandi nýsköpun í tónlist og dansi á Íslandi.

EFNISSKRÁ
Anna Þorvaldsdóttir og Erna Ómarsdóttir AIŌN

DANSHÖFUNDAR
Erna Ómarsdóttir í samvinnu við dansara Íslenska dansflokksins

TÓNVERK
Anna Þorvaldsdóttir

HLJÓMSVEITARSTJÓRI
Anna-Maria Helsing

VÍDEÓVERK
Pierre-Alain Giraud
Valdimar Jóhannsson

BÚNINGAHÖNNUÐUR
Agnieszka Baranowska

DANSARAR
Charmene Pang
Elín Signý Weywadt Ragnarsdóttir
Erna Gunnarsdóttir
Félix Urbina Alejandre
Inga Huld Hákonardóttir
Shota Inoue
Sigurður Andrean Sigurgeirsson
Una Björg Bjarnadóttir

Deila