x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Frestað: Af særingu og seið – Umbra

Sígildir sunnudagar

Þessir tónleikar voru upphaflega á dagskrá Sígildra sunnudaga 18. apríl, en var frestað vegna COVID-19.

Umbra kemur fram á Sígildum sunnudegi í Norðurljósum.

Á tónleikunum verða áheyrendur leiddir í gegnum særingar og galdrakveðskap þar sem frumflutt verður verk Arngerðar Maríu Árnadóttur, við særingarkvæði frá 16. öld. Einnig flytur hópurinn sitt eigin verk við kveðskap úr Eddukvæðum, það er úr Sigurdrífurmálum þar sem valkyrjan Sigurdrífa mælir til um aðferðir til ýmissa rúnagaldra.

Tónefni til útsetninga verður sótt í þjóðlagasafn Sr. Bjarna Þorsteinssonar og flutt verða m.a. þjóðlög sem eru sveipuð myrkum hliðum mannlegrar tilvistar.

Tónleikana ber upp þegar fimmtíu ár eru frá komu fyrstu handritanna, Flateyjarbókar og Konungsbókar Eddukvæða, með danska eftirlitsskipinu Vædderen, 21 apríl 1971.

Umbra hefur frá upphafi lagt megin áherslu á að varðveita og miðla íslenskum tónlistararfi og þjóðmenningu ásamt því að færa nútímatónlist nær samfélaginu. Umbra dansar á mörkunum hvað varðar flokkun tónlistar en bandið hefur sterkan snertiflöt í klassískri tónlist, þjóðlagatónlist, fornri tónlist og jafnvel popptónlist þar sem spuni er mjög stór þáttur í sköpuninni.

Hópurinn útsetur sjálfur sína tónlist og skapar áhugaverðan, meðal annars með óvenjulegri hljóðfæraskipun. Allt þetta gefur tónlistinni ferskan blæ sem hefur án efa hjálpað hópnum að ná til einstaklega breiðs hóps áheyrenda.  Umbra hefur hlotið mikið lof gagnrýnenda og Íslensku tónlistarverðlaunin 2018 í flokki þjóðlagatónlistar féllu hópnum í skaut en þess má einnig geta að allar 3 plötur Umbru hafa hlotið tilnefningu sem plata ársins í þeim flokki.

Starfsemi Umbru hefur verið viðamikil hvað varðar tónleikahald og listræna þróun. Hópurinn hefur komið fram á fjölda tónlistarhátíða, haldið tónleika, myndað samstarf við aðra listamenn, svo sem tónskáld, sérhæfða hljóðfæraleika á sviði fornrar tónlistar og sönghópa.

Deila