x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Á hátíðlegum nótum heima með þér – jólatónleikar Siggu Beinteins

Á hátíðlegum nótum heima með þér – jólatónleikar Siggu Beinteins

Vegna samkomutakmarkanna verða að þessu sinni engir gestir í sal, en þess í stað mun Sigga færa þér tónleikana sína heim í stofu!
Sérstakir gestir þetta árið verða Friðrik Ómar, Jógvan Hansen, Ragnheiður Gröndal og Diddú.

Einfalt og þægilegt!
Tónleikarnir eru aðgengilegir á leigunni hjá Vodafone og Símanum og þú kaupir aðgang rétt eins og þegar þú leigir mynd eða sjónvarpsþátt og greiðslan fer á símreikninginn hjá þér þú s.s. kaupir EKKI miða hér.
Hjá Vodafone finnurðu tónleikana undir ,,Viðburðir“ en hjá Símanum í Síminn Bíó. Þeir sem ekki eru með myndlykil og/eða kjósa frekar að horfa á streymi í vafra í tölvu eða öðrum snjalltækjum kaupa miða hér að ofan og fá þá sent lykilorð sem hægt er að nota til að opna fyrir streymið hér á www.harpa.is/sigga föstudaginn 4.des kl. 20:00

Jólatónleikar Siggu Beinteins hafa verið haldnir í Eldborgarsal Hörpu undanfarin 10 ár fyrir fullu húsi og í ár mun Sigga ekki gefa neitt eftir og mætir ásamt gestum  og stórhljómsveit aftur á stóra sviðið í Hörpu.

Umgjörð tónleikanna verður eins og undanfarin ár alveg fyrsta flokks og engu verður til sparað við að gera upplifunina einstaka og gæði útsendingarinnar verði á heimsmælikvarða, bæði hvað varðar mynd- og hljóðvinnslu.

Eins og venjulega mun Sigga gera sitt allra besta til koma fjölskyldunni í jólagírinn.

Hljóðfæraleikarar
Benedikt Brynleifsson á trommur
Friðrik Karlsson á gítar
Ingvar alfreðsson á pianó / hljómborð
Róbert Þórhallsson á bassa
Stefán Örn Gunnlaugsson á hljómborð
Matthías Stefánsson á fiðlu og gítar

Sérstakir gestir
Friðrik Ómar
Jógvan Hansen
Ragnheiður Gröndal
Sigrún Hjálmtýsdóttir (Diddú)

Bakraddir
Heiða Ólafsdóttir, Íris Hólm og Gísli Magna Sigríðarson

Saman færa þau þér hina einu sönnu jólastemmningu!

Deila