x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Herdís Anna, Dmitri Þór, Semion Skigin

Sígildir sunnudagar

Herdís Anna Jónasdóttir, sópran, Dmitri Þór Ashkenazy, klarinett og Semion Skigin, píanó flytja efnisskrá sem fléttast af tónlist eftir J. S. Bach, Schubert og Louis Spohr.

EFNISSKRÁ

J. S. Bach:
Úr Nótnabók Önnu Magdalenu Bach f. píanó
– Bist du bei mir
– Erbauliche Gedanken eines Tabakrauchers
– Prelúdía í C-dúr
– Söngles og aría: Ich habe genug
– Aria í G-dúr úr Goldberg-tilbrigðunum
– Willst du dein Herz mir schenken – Aria di Giovannini
– Sich üben im lieben úr Kantötu BWV202

Aus Liebe wird mein Heiland sterben úr Mattheusarpassíunni
Wie zittern und Wanken BWV 105

Hlé

Louis Spohr:
Sex þýsk ljóð ópus 103

Franz Schubert:
Mansöngur  (Ständchen)
Silungurinn (Die Forelle)

Franz Schubert:
Der Hirt auf dem Felsen

Dimitri Ashkenazy fæddist árið 1969 í New York en ólst upp á Íslandi ásamt foreldrum sínum, Þórunni Jóhannsdóttur og Vladimir Ashkenazy. Hann hóf píanónám sex ára gamall en skipti síðar yfir á klarínett og lærði við Tónlistarháskólann í Luzern. Hann hefur komið víða fram bæði sem einleikari og í kammertónlist, m.a. með Konunglegu fílharmóníunni í Lundúnum, Þýsku útvarpshljómsveitinni í Berlín og Sinfóníuhljómsveitinni í Sidney.

Dimitri Þór hefur einnig leikið kammertónlist m.a. með Kodály-, Endellion-, Heath- og Brodskykvartettunum og einnig með söngkonunum Barböru Bonney og Editu Gruberovu, píanóleikurunum Cristinu Ortiz, Mariu João Pires, og vitaskuld föður sínum, Vladimir Ashkenazy, og bróður sínum, Vovka. Hann hefur hljóðritað fjölda geisladiska, meðal annars fyrir paladino, Orlando, Pan Classics, Decca og Ondine), og hefur haldið meistaranámskeið m.a. í Ástralíu, á Spáni, í Nýja Sjálandi, á Íslandi og í Bandaríkjunum. Hann hefur tvívegis komið fram með Sinfóníuhljómsveit Íslands, nú síðast í nóvember 2019.

Herdís Anna Jónasdóttir er fædd og uppalin á Ísafirði, lagði þar stund á tónlist frá unga aldri en lauk B.Mus.prófi í söng frá Listaháskóla Íslands árið 2003. Hún stundaði framhaldsnám við Hanns Eisler Tónlistarháskólann í Berlín og lauk þaðan Diplom-prófi 2010 og síðan Konzertexamen árið 2013. Herdís Anna hefur tekið þátt í fjölmörgum óperuuppfærslum í Þýskalandi, Íslandi og Sviss. 2014-18 var hún fastráðin sem einsöngvari við Ríkisóperuna í Saarbrücken, Þýskalandi.

Meðal helstu óperuhlutverka hennar eru Adele (Leðurblakan), Zerlina (Don Giovanni), Drottningin frá Schemacha (Gullni haninn), Mabel (Pirates of Penzance), Sophie (Werther), Nannetta (Falstaff), Oscar (Grímudansleikur), Romilda (Xerxes) og Musetta (La Bohème).

Herdís hefur haldið einsöngs- og kammertónleika bæði heima og í erlendis og margsinnis komið fram á tónleikum, s.s. með Kammersveit Reykjavíkur, á Carl-Orff tónlistarhátíðinni, með Ríkishljómsveitinni í Saarbrücken, með Sinfóníuhljómsveit Canberra í Ástralíu og með Sinfóníuhljómsveit Íslands. Herdís hlaut Grímuverðlaunin sem Söngkona ársins 2019 fyrir söng sinn hlutverki Víólettu Valery í uppfærslu Íslensku óperunnar á La traviata og var tilnefnd sem Söngkona ársins í klassískum flokki til Íslensku tónlistarverðlaunanna 2019.

Semion Skigin fæddist í Leníngrad og lærði þar við tónlistarháskólann. Árið 1972, kom hann fram með Fílharmóníunni í Leníngrad og vann þremur árum síðar fyrstu verðlaun í Alþjóðlegu meðleikarakeppninni í Ríó de Janeiro. Semion er vel metinn kennari og var gestaprófessor1978 til 1981 við Carl Maria von Weber Tónlistarháskólann í Dresden.

Síðan 1990 hefur hann verið prófessor í meðleik fyrir söngvara við Tónlistarháskólann Hanns Eisler í Berlín. Einnig kennir hann reglulega masterklassa við háskóla í Þýskalandi, Hollandi, Bandaríkjunum og Rússlandi. Hann situr í dómnefnd í fjöldamörgum alþjóðlegum keppnum og hátíðum, hann er listrænn stjórnandi ýmissa hátíða og tónleikaraða. Semion Skigin er einn ástsælasti meðleikari á meðal söngvara í dag og má heyra hann víða um heim, með til dæmis Ekaterinu Semenchuk, Evelinu Dobračevu, Olaf Bär, Cheryl Studer, Robert Holl, Olgu Borodinu, og Sergei Leiferkus.

Deila