x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

17. júní í Hörpu

Fagnaðu með okkur í húsinu þínu!

Þessi viðburður er liðinn

Fagnaðu þjóðhátíðardeginum með okkur í Hörpu. Húsið er opið allan daginn þar sem hægt er að finna eitthvað fyrir alla fjölskylduna, allan daginn. Aðgangur er ókeypis.

13:00 – Skoppa og Skrýtla í Norðubryggju
Flestir krakkar þekkja Skoppu og Skrýtlu. Í ár fagna þær vinkonur fimmtán ára starfsafmæli og af því tilefni blása þær til stórrar leikhúsveislu með öllu tilheyrandi í Eldborg Hörpu í haust. Þær ætla að sýna brot af því sem koma skal í Norðurbryggju á þjóðhátíðardaginn. Þar munu leikhústöfrarnir færa yngstu áhorfendurna um framandi lönd í dansi og söng.

14:00 – YCO strengjasveit ungmenna í Hörpuhorni
Youth Chamber Orchestra, frá Fíladelfíu í Bandaríkjunum, er framúrskarandi strengjasveit skipuð ungu fólki. Sveitin flytur aðgengilega efnisskrá með íslenskum og erlendum tónverkum.

14:40 – Múlinn Jazzklúbbur við Bergmál Bistro 
Múlakvintettinn flytur slagara úr efnisskrá sumarsins, en Múlinn býður upp á vikulega tónleika í Björtuloftum Hörpu jafnt yfir sumartímann sem og veturinn.

15:15 – Reykjavík Classics í Hörpuhorni
Hörpuleikarinn Katie Buckley og flautuleikarinn Melkorka Ólafsdóttir flytja ljúfa tóna úr dagskrá Reykjavík Classics. Reykjavík Classics eru daglegir hádegistónleikar yfir sumartímann þar sem flutt er fyrsta flokks kammertónlist í undursamlegum hljómburði og umgjörð Elborgarsalsins.

15:30 – Maxímús músíkus í Norðubryggju
Tónelska músin Maxímús Músíkús heilsar upp á forvitna krakka og trítlar um tónlistarhúsið sitt, Hörpu.

16:00 – Reykjavík Midsummer Music í Hörpuhorni
Píanóleikarinn heimskunni, Víkingur Heiðar Ólafsson, flytur brot úr dagskrá tónlistarhátíðarinnar Reykjavík Midsummer Music, sem fram fer í Hörpu dagana 20-23. júní. Með honum kemur fram lágfiðluleikarinn Yura Lee.

16:30 – Bandarískur ungmennakór í Hörpuhorni
Grand Rapids Symphony Youth Choir er kór ungmenna frá Bandaríkjunum, sem ferðast í sumar um Ísland og flytur aðgengilega dagskrá sönglaga á þjóðhátíðardaginn í Hörpu.