Tónlist, Sinfóníutónleikar

Bene­dikt syngur Bach og Händel - Sinfón­íu­hljóm­sveit Íslands

Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða

Verð

2.900 - 8.500 kr

Næsti viðburður

fimmtudagur 2. desember - 19:30

Salur

Eldborg

Efnisskrá
Georg Friedrich Händel - Forleikur og aríur úr Messíasi
Georg Friedrich Händel - Lagartónlist, svítur nr. 2 og 3
Georg Friedrich Händel - Waft Her, Angels, úr Jeptha
Johann Sebastian Bach - Aría ur kantötu nr. 198
Joseph Haydn - Sinfónía nr. 99

Hljómsveitarstjóri
Dirk Vermeulen

Einsöngvari
Benedikt Kristjánsson

Benedikt Kristjánsson tenórsöngvari hefur á undanförnum árum getið sér afar gott orð fyrir flutning sinn á barokktónlist, einkum verkum Bachs og Händels. Hann vakti athygli heimsins í einu vetfangi á föstudaginn langa 2020, þegar hann flutti Jóhannesarpassíu Bachs í beinni útsendingu frá Tómasarkirkjunni í Leipzig í eigin útgáfu fyrir tenórsöngvara og tvo hljóðfæraleikara. Hefðbundnum flutningi verksins um páskahelgina hafði þá verið aflýst víða um heim vegna kórónuveirufaraldurs, en í staðinn fylgdust tugþúsundir með afreki Benedikts á netinu og hlaut hann meðal annars Opus Klassik-verðlaunin fyrir frammistöðu sína.

Nú syngur Benedikt í fyrsta sinn með Sinfóníuhljómsveit Íslands, aríur úr kantötum og óratoríum eftir Händel og Bach. Meðal annars hljóma tvær vinsælar aríur úr Messíasi en einnig hin dásamlega aría Waft Her, Angels, sem er meðal þess fegursta sem Händel samdi. Þá leikur hljómsveitin þætti úr hinni óviðjafnanlegu Lagartónlist (Water Music), sem Händel samdi Georg I. Bretakonungi til yndisauka þar sem hann sigldi upp Tempsá með fríðu föruneyti eitt ljúft sumarkvöld árið 1717. Tónleikunum lýkur með hinni bráðskemmtilegu sinfóníu nr. 99 eftir Haydn, sem var ein þeirra sem hann samdi fyrir tónleikaröð sína í Lundúnum síðla á ævinni.

Belgíski stjórnandinn Dirk Vermeulen hefur helgað feril sinn flutning tónlistar frá 18. öld og meðal annars stjórnað Hljómsveit 18. aldarinnar auk þess að kenna við Tónlistarháskólann í Brussel. Hann stjórnar nú aðventutónleikum Sinfóníuhljómsveitarinnar í þriðja sinn en fyrri tónleikar hans á Íslandi vöktu óblandna aðdáun tónleikagesta jafnt sem hljómsveitar.

Hátíðleg barokktónlist á aðventu í flutningi eins fremsta tenórsöngvara Íslands.


Miðaverð er sem hér segir:

A

7.200 kr.

B

5.900 kr.

C

4.500 kr.

D

2.900 kr.

X

8.500 kr.