klassík, tónlist

Bamberg sinfón­íu­hljóm­sveitin ásamt Hélène Grimaud undir stjórn Jakub Hruša

Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða

Verð

4.900 - 16.900 kr

Næsti viðburður

laugardagur 20. apríl - 19:30

Salur

Eldborg

Bamberg sinfóníuhljómsveitin ásamt Hélène Grimaud undir stjórn Jakub Hruša

Ein fremsta sinfóníuhljómsveit Þýskalands, Bamberg sinfónían, kemur fram í fyrsta sinn á Íslandi 20. apríl 2024. Hljómsveitarstjóri á tónleikunum verður hinn tékkneski Jakub Hruša sem nýlega var ráðinn næsti tónlistarstjóri Konunglega óperuhússins í Covent Garden í London. Hruša hefur á síðustu árum náð miklum árangri í starfi sínu sem aðalhljómsveitarstjóri Bamberg sinfóníunnar auk þess sem hann er eftirsóttur gestastjórnandi margra bestu hljómsveita heims á borð við fílharmóníuhljómsveitir Vínar, Berlínar og New York og sinfóníuhljómsveitar Chicago.  

Bamberg sinfónían undir stjórn Jakub Hruša hlaut International Classical Music Award (ICMA) árið 2022 fyrir upptöku á fjórðu sinfóníu Antons Bruckner og aftur árið 2023 fyrir upptökur af Sinfóníu nr. 1 eftir Hans Rott. Þá var Jakub Hruša var valinn stjórnandi ársins 2023 af Opus Klassik, klassísku tónlistarverðlaunum Þýskalands.

Einleikari á tónleikunum í píanókonserti Roberts Schumann verður hinn margverðlaunaði franski píanóleikari
Hélène Grimaud. Eldmóður hennar í tónlistinni endurspeglast einnig í starfi hennar á sviði umhverfisverndar og mannréttinda sem hún er jafnframt þekkt fyrir.

Efnisskráin er vafalítið sérstakt ánægjuefni fyrir unnendur tónlistar Richards Wagner því á tónleikunum flytur Bamberg prelúdíu úr fyrsta þætti Lohengrin og Tannhäuser-forleikinn. Einnig verða flutt verk eftir tvo samtímamenn Wagners, Sinfónía nr. 3 eftir Johannes Brahms og píanókonsert Roberts Schumann í flutningi Hélène Grimaud.

Tónleikar Bamberg sinfóníunnar á Íslandi eru þeir fyrstu í tónleikaferð sveitarinnar til Bandaríkjanna en úr Hörpu liggur leiðin meðal annars í Carnegie Hall í New York.  

Missið ekki af viðburði á heimsmælikvarða í Hörpu.  

Forsala á tónleikana hefst fyrir meðlimi í Hörpusveitar þann 18. október og almenn miðasala hefst 19. október.
Skráning í Hörpusveit


Viðburðahaldari

Harpa

Miðaverð er sem hér segir:

A

14.900 kr.

B

10.900 kr.

C

8.900 kr.

D

6.900 kr.

X

16.900 kr.

E

4.900 kr.

Eldborg

Eldborg er stærsti salur Hörpu þar sem öll hönnun og útfærsla skapar glæsilega umgjörð. Salurinn tekur allt að 1600 manns í sæti. Í Hörpuhorni, við glerhjúpinn á annarri hæð, er unnt að vera með standandi kaffiveitingar eða móttökur tengdar Eldborg.