Tónlist

Anne-­Sophie Mutter ásamt The Mutter Virtuosi

Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða

Verð

6.900 - 19.900 kr

Næsti viðburður

föstudagur 27. janúar - 20:00

Salur

Eldborg

Anne-Sophie Mutter er heimsþekktur, margfaldur verðlaunahafi og af mörgum talin vera hin óumdeilda drottning fiðlunnar. Mutter hefur um áratugaskeið komið fram í öllum helstu tónlistarhúsum heims og á glæstan feril sem einleikari, lærimeistari og hugsjónamanneskja í heimi klassískrar tónlistar. Anne-Sophie Mutter kemur fram á einstökum tónleikum í Eldborg í Hörpu ásamt The Mutter Virtuosi þann 27. janúar nk. 

Þetta er í fyrsta sinn síðan árið 1985 sem Mutter kemur fram á Íslandi og nú með Virtúósunum, strengjasveit sem hún stofnaði árið 2011. Strengjasveitin þykir einstök í sinni röð enda skipuð rísandi stjörnum og framúrskarandi nemendum sem valdir hafa verið af styrktarsjóði hennar.

Á glæsilegri efnisskrá verður Íslands-frumflutningur á verki Unsuk Chin, Gran Cadenza, fiðludúett sem saminn var fyrir Mutter, konsert fyrir fjórar fiðlur eftir Antonio Vivaldi, Chevalier de Sainte-Georges fiðlukonsert Nr. 5, opus 2 eftir Joseph Bologne og síðast en ekki síst Árstíðirnar fjórar eftir Vivaldi.

Bæði efnisskráin og strengjasveitin The Mutter Virtuosi eru dæmi um ástríðu Mutter fyrir tímalausum tónverkum, áherslu á samfélagsleg gildi og skuldbindingu hennar gagnvart framtíð klassískrar tónlistar - eða eins og hún segir sjálf: 

,,Mig langaði virkilega til að deila sviðinu með virtúósunum mínum, þau eru órjúfanlegur hluti af mínu lífi og þeirri hugsjón að manneskjan getur nýtt tónlistina vel í samfélagslegum tilgangi. Tónlistin gerir okkur kleift að kynnast hvort öðru í raun og veru, hún byggir brýr ekki aðeins á milli kynslóða heldur einnig á milli ólíkra menningarheima og þeirra veggja sem við sem samfélag höfum reist á milli okkar.”

Viðburður á heimsmælikvarða í Hörpu. Aðeins einir tónleikar.

Efnisskrá: 
Vivaldi - Konsert fyrir 4 fiðlur
Einleikarar: Anne-Sophie Mutter, Ye-Eun Choi, Agata Szymczewska og Nancy Zhou
Unsuk Chin - Gran Cadenza
Einleikarar: Annne-Sophie Mutter og Samuel Nebyu
Joseph Bologne Chevalier de Sainte-Georges - Fiðlukonsert nr. 5 Opus 2
Einleikur: Anne-Sophie Mutter

Hlé

Vivaldi - Árstíðirnar fjórar
Einleikur: Anne-Sophie Mutter


Viðburðahaldari

Harpa

Miðaverð er sem hér segir:

A

17.900 kr.

B

13.900 kr.

C

9.900 kr.

D

8.900 kr.

X

19.900 kr.

E

6.900 kr.

Eldborg

Eldborg er stærsti salur Hörpu þar sem öll hönnun og útfærsla skapar glæsilega umgjörð. Salurinn tekur allt að 1600 manns í sæti. Í Hörpuhorni, við glerhjúpinn á annarri hæð, er unnt að vera með standandi kaffiveitingar eða móttökur tengdar Eldborg.