Batteríið

Batteríið Arkitektar ehf er skapandi þekkingarfyrirtæki á sviði byggingarlistar. Fyrirtækið var stofnað árið 1988 og býr yfir umfangsmikilli reynslu og sérþekkingu í mannvirkjahönnun og skipulagsgerð.  Fyrirtækið er skipað vel þjálfuðu og menntuðu starfsfólki sem leggur áherslu á frumlegar hugmyndir og skapandi hönnunarlausnir. Starfsmenn fyrirtækisins eru með afburðaþekkingu á sviði þrívíðrar hönnunar og BIM og eru öll ný verkefni hönnuð með þeim hætti.

Sérstaða fyrirtækisins felst í alhliða þekkingu á aðlögun bygginga að nánasta umhverfi og veðurfari, aðgengi fyrir fatlaða og mótun vinnuumhverfis m.t.t. vinnuverndar og vinnuvistfræði. Markmiðið er að öll verk fyrirtækisins beri merki þessarar sérstöðu og séu í samræmi við stefnu fyrirtækisins.