Tónleikaaðstaða
Hágæða hljómburður og margar stærðir af sölum
Í Hörpu er frábær aðstaða fyrir tónlistarflutning og öll umgjörð fyrir hina ýmsu tónlistarviðburði eins og best verður á kosið. Í húsinu er hágæða hljómburður sem hentar vel fyrir alla tónlist. Salir hússins eru í ýmsum stærðum og öll aðstaða mjög vönduð.
Harpa er aðsetur Sinfóníuhljómsveitar Íslands og Íslensku Óperunnar.
Harpa er tónlistarhús allra landsmanna. Áhersla er lögð á faglegan metnað og fjölbreytni þannig að tónlistin í húsinu sé lifandi þverskurður af íslensku tónlistarlífi. Húsið er jafnframt vettvangur íslenskra tónlistarmanna og tónsköpunar þeirra auk framúrskarandi erlendra tónlistarmanna og hljómsveita. Harpa er fast aðsetur Sinfóníuhljómsveitar Íslands og Íslensku óperunnar. Þar halda einnig ýmsar hátíðir og tónleikaraðir tónleika á sínum vegum.