Sinfóníuhljómsveit tónlistarskólanna

Sinfóníuhljómsveit tónlistarskólanna lýkur áttunda starfsári sínu með tónleikum í Eldborgarsal Hörpu Sunnudaginn 29. janúar 2012 kl. 16.

Um 100 ungir hljóðfæraleikarar frá fjölmörgum tónlistarskólum leggja hart að sér við æfingar í janúar undir stjórn Guðmundar Óla Gunnarssonar hljómsveitarstjóra. Einleikari með hljómsveitinni er ungur sellóleikari, Ragnar Jónsson. Hljómsveitin er samstarfsverkefni tónlistarskóla á höfuðborgarsvæðinu.

Á tónleikunum verða flutt verk fyrir hljómsveit og kór og hefur ST stofnað til samstarfs við Kóra Flensborgarskóla og Menntaskólans í Reykjavík sem einnig koma fram á tónleikunum. Stjórnendur kóranna eru Hrafnhildur Blomsterberg og Guðlaugur Viktorsson.

Efnisskrá:

George Bizet:                                L'Arlésienne, Svíta fyrir hljómsveit

Pjotr Ilych Tsjhaíkovskíj:             Pezzo capriccioso op. 62 fyrir selló og hljómsveit

Hjálmar H. Ragnarsson:             -Áfangar, verk fyrir kór og hljómsveit við ljóð Jóns Helgasonar. Samvinnuverkefni ST, Kórs Flensborgarskóla og Kórs MR.

Jan Sibelius:    Finlandia